Søk på stilling
Jobbeskrivelse
Vi søkjer samfunnsvitarar eller pedagogar til ledige stillingar på opplæringsområdet
Tilsyn
Stillingstittel:  Rådgiver/ Seniorrådgjevar
Stillingstype:  Fast
Heltid/deltid:  Heltid
Søknadsfrist:  11.11.2026
Sted:  Leikanger

 

Om stillinga 

 

Utdannings- og verjemålsavdelinga har ansvar for rettleiing, tilsyn og forvaltningsoppgåver innan barnehage, opplæring og integrering. Avdelinga skal sjå til at nasjonal politikk vert gjennomført ute i kommunane. Dette gjer vi mellom anna ved å behandle klager, rettleie kommunar om regelverk og statleg politikk, og ved å gjennomføre tilsyn av kommunane sin praksis.

 

Statsforvaltaren i Vestland har delt lokalisering mellom Leikanger, Bergen og Førde - med hovudsete i Leikanger. Utdannings- og verjemålsavdelinga har no to ledige stillingar som rådgjevar/seniorrådgjevar ved kontorstad Leikanger.

 

Arbeidsoppgåver

 

  • Tilsyn etter opplæringslova og integreringslova
  • Klagehandsaming etter opplæringslova og integreringslova
  • Informere og rettleie kommunar og ålmenta om innhald, lovverk og mål i den nasjonale utdanningspolitikken
  • Følgje opp og rettleie lokale skulemyndigheiter for å trygge gjennomføringa av sentralt gitt og lokalt gitt eksamen
  • Følgje opp statlege satsingar
  • Andre oppgåver i avdelinga sitt samla oppdrag

 

 

Kvalifikasjonar

 

Vi ser etter deg som har:

 

  • master i samfunnsvitskaplege eller pedagogiske fag
  • god skriftleg og munnleg framstillingsevne på nynorsk og bokmål

 

Det er ønskjeleg med:

 

  • god kunnskap om kommunesektoren, offentleg forvaltning og Statsforvaltaren si rolle i styringssystemet
  • interesse for opplærings- og integreringsfeltet

 

 

Personlege eigenskapar

 

Vi søkjer kandidatar som

 

  • har evne til å følgje og fordjupe deg i eit fagfelt, og synleggjere aktuelle problemstillingar i eige fylke
  • kan kommunisere kompliserte problemstillingar på ein god måte, både skriftleg og munnleg
  • har vilje og evne til å samarbeide, både med kollegaer og eksterne, om å løyse oppgåvene på best mogeleg måte
  • er aktivt deltakande i avdelinga sitt samla utviklingsarbeid
 
Som tilsett hos Statsforvaltaren får du:
 
• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor
• fleksibel arbeidstid
• løn i samsvar med vår lokale lønspolitikk
 
 
Kontora våre i Leikanger og Førde ligg i kommunar som er omfatta av den nye ordninga for sletting av studiegjeld. Det vil seie at etter eitt år som yrkesaktiv kan du få sletta 25 000 kroner av studielånet ditt.
 
 
Vi ønskjer mangfald:
 
Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid.
 
Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.
 
Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju.
 
 
Vilkår:
 
Alle som søkjer stillinga må søkje digitalt og laste opp relevante vitnemål og attestar. Har du utdanning frå utlandet legg du ved godkjenning frå HK-dir .
 
Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.
 
Stillinga er lønna i stillingskode 1434 rådgjevar/1364 seniorrådgjevar, frå kr 630 000 - 800 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn. 
 
Dei første seks månadane er prøvetid. Du kan lese meir om det i statens personalhandbok. 
 
Tenestemålet til embetet er nynorsk.
 
Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.
 
For meir informasjon, kontakt
 
 
Kontakt

For mer informasjon, kontakt Mats Petter Sydengen på telefon .

 

Søknadsfrist: 11.11.2026

 

Om Statsforvaltaren i Vestland

Statsforvaltaren har eit heilskapsansvar for all statleg verksemd i fylket, og skal følgje opp vedtak, mål og retningslinjer frå stortinget og regjeringa. Vi skal dessutan fremje fylket sine interesser, og kan dermed ta initiativ både lokalt og overfor sentrale styringsmakter.

Statsforvaltaren kjenner kommunane, og er i kontakt med mange enkeltmenneske i ulike situasjonar og livsfasar. 

Vi jobbar heile tida for at omverda skal oppleve Statsforvaltaren som tilgjengeleg, nær og løysingsorientert.

Statsforvaltaren i Vestland er ein spennande arbeidsplass med seks avdelingar og kring 280 tilsette. Vi har delt lokalisering mellom Leikanger, Bergen og Førde – med hovudsete i Leikanger. 
Søk på stilling