Søk på stilling
Jobbeskrivelse
Rådgjevar (jurist) - helse og omsorg
Spesialisthelse
Stillingstittel:  Rådgjevar
Stillingstype:  Fast
Heltid/deltid:  Heltid
Søknadsfrist:  20.11.2026
Sted:  Bergen

Om stillinga 

 

Helse-, sosial- og barnevernsavdelinga hjå Statsforvaltaren i Vestland har ledig ei fast stilling som jurist frå snarast.

Avdelinga har tre seksjonar og ansvar for rettleiing, tilsyn, behandling av klager og andre forvaltningsoppgåver.

Fylkeslegen/avdelingsdirektøren leier avdelinga som har tilsette med kompetanse innan barnevern, helse- og sosialfag, rettsvitskap, samfunnsfag og administrasjon. Vi har tett kontakt med kommunar, nasjonale styresmakter og andre offentlege instansar.

Stillinga er knytt til seksjon for spesialisthelse, og har kontorstad Bergen. 

 

Arbeidsoppgåver 

 

  • Skriftleg saksbehandling innan pasientrettar og tvangsmedisinering.
  • Tilsynsoppgåver.
  • Rettleiing, i hovudsak på telefon, om helselovgivinga til pasientar, pårørande og helsepersonell.

Andre oppgåver kan bli tildelte etter avtale med seksjonsleiaren.

 

Kvalifikasjonar

 

  • Master i rettsvitskap eller juridisk embetseksamen
  • Kunnskap om regelverket for helse- og omsorgstenester
  • Erfaring frå saksbehandling i offentleg forvaltning, gjerne frå arbeid med juridiske problemstillingar på helse- og omsorgsfeltet

I vurderinga av kvalifiserte søkarar vil vi legge vekt på erfaring frå saksområda.

 

Personlege eigenskapar

 

Vi ser etter deg som

  • har god munnleg og skriftleg formidlingsevne på nynorsk og bokmål
  • likar å arbeide sjølvstendig, og har gode samarbeidsevner
  • kan arbeide effektivt og strukturert
  • har høg arbeidskapasitet
  • er fleksibel
  • har evne til å formidle kompliserte problemstillingar på ein god måte
  • bidrar til eit godt og hyggeleg arbeidsmiljø 
 
Som tilsett hos Statsforvaltaren får du:
 
• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor
• fleksibel arbeidstid
• løn i samsvar med vår lokale lønspolitikk
 
 
Kontora våre i Leikanger og Førde ligg i kommunar som er omfatta av den nye ordninga for sletting av studiegjeld. Det vil seie at etter eitt år som yrkesaktiv kan du få sletta 25 000 kroner av studielånet ditt.
 
 
Vi ønskjer mangfald:
 
Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid.
 
Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.
 
Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju.
 
 
Vilkår:
 
Alle som søkjer stillinga må søkje digitalt og laste opp relevante vitnemål og attestar. Har du utdanning frå utlandet legg du ved godkjenning frå HK-dir .
 
Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.
 
Stillinga er lønna i stillingskode 1434 rådgjevar, frå kr 630 000 - 740 000 brutto per år ut frå kvalifikasjonar og lokal lønnspolitikk. For særskilt kvalifiserte søkjarar kan vi vurdere høgare lønn. 
 
Dei første seks månadane er prøvetid. Du kan lese meir om det i statens personalhandbok. 
 
Tenestemålet til embetet er nynorsk.
 
Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.
 
For meir informasjon, kontakt seksjonsleiar/ass.fylkeslege Jana Midelfart-Hoff, telefon: +4755572005, e-post: Jana.Midelfart-Hoff@statsforvalteren.no 

 

Om Statsforvaltaren i Vestland

Statsforvaltaren har eit heilskapsansvar for all statleg verksemd i fylket, og skal følgje opp vedtak, mål og retningslinjer frå stortinget og regjeringa. Vi skal dessutan fremje fylket sine interesser, og kan dermed ta initiativ både lokalt og overfor sentrale styringsmakter.

Statsforvaltaren kjenner kommunane, og er i kontakt med mange enkeltmenneske i ulike situasjonar og livsfasar. 

Vi jobbar heile tida for at omverda skal oppleve Statsforvaltaren som tilgjengeleg, nær og løysingsorientert.

Statsforvaltaren i Vestland er ein spennande arbeidsplass med seks avdelingar og kring 280 tilsette. Vi har delt lokalisering mellom Leikanger, Bergen og Førde – med hovudsete i Leikanger. 

 

Søknadsfrist: 20.11.2026
Søk på stilling